"ХЬЕХАРХОЧО КХУЛЛУ КЪАМ!" (АХЬМАД-ХЬАЬЖА КАДЫРОВ) Ассаламу Iалайкум! Хууш ма-хиллара, НОХЧИЙН РЕСПУБЛИКИН КУЬЙГАЛХОЧО, РОССИН ТУРПАЛХОЧО АХЬМАД-ХЬАЬЖИН РАМЗАНА 2007-чу шарахь шен омрица оханан беттан 25-г1а де Нохчийн меттан де аьлла д1акхайкхийна ду вайн махкахь. Оцу дийно йоккха меттиг д1алаьцна республикин хиламийн дезачу денойн мог1арехь. Нохчийн Республикин дешаран, 1илманан Министерствоно, Нохчийн Пачхьалкхан нохчийн меттан, историн институтаца, Нохчийн Республикин яздархойн союзаца цхьаьна еш йолу "Нохчийн меттан а, литературин а хьехархошна юккъехь берашна лерина дийцарш" аьлла йолу конкурс д1айолош ю. Конкурсан белхаш (дийцар, эссе, литературни зарисовка) 2020-чу шеран оханан (апрель) беттан 10-г1а де доладаллалц схьаэца йиш ю. Вайн махкара хилла ца 1аш, луларчу Дагестанера хьехархойн а бу конкурсехь дакъалаца йиш йолуш. Конкурсан белхаш электронни кепехь 5–20 аг1он т1е кхаччалц хила йиш ю, авторшна уьш юхадерзош а дац. Конкурсан декъашхоша шайн материалаш х1окху адрес т1е схьаяийта еза: ayshatbs@gmail.com Телефон: 8 928 017-51-03 – Бадаева Iайшат Салауддиновна. ДАЛА аьтто бойла массеран а! ДАЛА т1аьхье беркате йойла!